Шампионот на УФЦ во средна категорија Израел Адесања верува дека има неограничен потенцијал. 32-годишниот борец од Нигерија не престанува да тренира, иако се уште нема закажана борба. Се очекува да има реванш со Роберт Витакер оваа или следната година.
Адесања оваа година се бореше двапати, при што го загуби статусот непоразен. Имаше неуспешно деби во полутешка категорија и со одлука загуби од Јан Блахович. Израел ја одбрани титулата во средна категорија со уште една победа над Марвин Ветори.
Така, Израел веќе има учинок од 21-1 во ММА, а ги нокаутира ривалите на 15 средби. Адесања тврди дека подготвил неколку потези за битката со Витакер и дека ќе го натера противникот да се сомнева во себе.
„Се вели дека е тешко да станете наутро кога спиете во свилени ќебиња. Многу луѓе на моја позиција не би тренирале доколку немаат закажана борба.
Тренирам за да ги надградам моите вештини и да им помогнам на моите соборци кои ми помогнаа низ годините. Што ме тера да продолжам понатаму? Ова е страст. Ова е жед за знаење. Не сум готов.
Не ја достигнав границата. Тоа е бесконечно. Овие луѓе не разбираат што се прашуваат. Подготвив три потези за битката против Роберт Витакер. Тој веднаш ќе почне да се сомнева во себе по овие потези“, рече Адесања.
