Четирикратниот светски шампион во бокс во тешка категорија, 61-годишниот Ивандер Холифилд, како и поранешниот владетел на полутешка категорија, во кариерата забележа 44 победи, а имаше десет порази и две нерешени (и еден откажан меч).
А дека ќе има ѕвездена кариера покажа со големи победи во почетокот на осумдесеттите години на минатиот век, како и со освојувањето на бронзениот медал во 1984 година на Олимписките игри во Лос Анџелес.
Во текот на кариерата се бореше со врвни боксери, од кои еден беше Мајк Тајсон.
Холифилд двапати се бореше со Ајрон Мајк и двата пати победи. Во ноември 1996 година го победи Тајсон со прекин во 11-тата рунда, а неколку месеци подоцна, Мајк беше дисквалификуван откако му одгриза парче од увото на Ивандер.
Во едно неодамнешно интервју, Холифилд се присети како се спарингувал со Тајсон за време на неговите аматерски денови и го гледал Мајк како ги „крши“ своите колеги приправници за време на тренинг.
„Спарингувавме до 1984 година. А знам дека Мајк не ги поштеди своите колеги. Кога го имаше својот спаринг партнер, секој ден го нокаутираше. Ќе ги натераше боксерите да влезат во рингот, а потоа само ќе ги удираше и готово“, изјави Ивандер Холифилд.
Тогаш Холифилд тврдеше дека добро се согласува со Тајсон, а десет години подоцна се запознаа во професионалниот ринг.
„Знаев дека Тајсон прави се многу добро. Одлично го прескокнуваше јажето, беше експерт за тоа, беше одлично да го гледам додека ја удира вреќата, се што правеше на тренинг го правеше одлично. Гледав и мислев „човек, тој е навистина добар“. Но, во рингот е поинаку, проблеми се јавуваат кога противникот подобро се движи и знае да го искористи тоа“, истакна Ивандер Холифилд и подвлече:
„Мајк беше еден од борците кои те напаѓаат цело време. Она што го имав, а многу борци го немаа, беше добар ритам и одлични движења. Можев брзо да се вратам и да го натерам противникот да налета на моите удари. Имав брзи раце и поради тоа не се плашев од никого. Мајка ми велеше – единствен начин да изгубиш е ако не ја искористиш приликата да победиш“.
