Исмаил Туркер се закити со бронза на Светскиот куп во кик бокс што се одржува во Будимпешта, Унгарија. Ова е вкупно четврти медал за македонските кикбоксери – 1 сребрен и 3 бронзени.
Кик боксерот на Шампион во полуфиналето на категоријата до 42 килограми загуби од Златослав Иванов од Бугарија со 0-3 во дисциплината лајт кик за постари кадети, кој стана прв на СК. Преходно Туркер славеше против Украинецот Брил Максим 3-0.
Денеска медал освои и Миа Тодорова (Шампион), сребрен, откако во финалето беше поразена од Србинката Валентина Кери.
Иван Кукуновски (Шампион) е поразен од претставникот на Грција во лајт кик.
Да потсетиме вчера Филип Ризов (Николовски) и Иле Леков (Кик бокс Лидер 13) во полуфиналето беа поразени, па така освоија бронзени медали. Сепак, вели селекторот Дејан Митровски, и двајцата одлично се избориле.
На СК има 1689 учесници од 45 држави од 288 клуба, односно 3084 натпреварувачи, бидејќи некои кикбоксери ќе настапуваат во повеќе дисциплини.
Резултати
лоу кик – сениори
-65 кг Миа Тодорова – Улијана Мишченко (Украина) 3-0 во полуфинале
Финале
Миа Тодорова – Валентина Кери (Србија) поразена
-57 кг Филип Ризов – Данил Сурхалов (Украина) 0-3 во полуфинале
лоу кик – постари јуниори
-71 кг Иле Леков – Владисав Сидорчук (Полска) 0-3 во полуфинале
Лајт кик – постари кадети
-42 кг Исмаил Туркер – Брил Максим (Украина) 3-0 во четвртфинале
Исмаил Туркер – Златослав Иванов (Бугарија) 0-3 во полуфинале
-47 кг Иван Кукуновски – Илијас Трикас (Грција) 0-3 во четврфинале
