Ситуацијата на врвот на УФЦ во лесна категорија полека се разоткрива. Чарлс Оливиера го брани шампионскиот појас на 11 декември против Дастин Пориер, а потоа најверојатно Џастин Гејџи ќе добие шанса повторно да го нападне тронот.
Имено, Хајлајт сега треба да биде првиот предизвикувач, бидејќи наводно е договорена борба меѓу Бенеил Дариуш и Ислам Махачев.
Нивниот судир треба да го предводи настанот на УФЦ закажан за 26 февруари следната година.
И двајцата имаат импресивна низа победи, Дариуш славеше во последните седум, а Махачев во последните девет борби.
Бенеил го победи Тони Фергусон во мај со едногласна одлука на судиите. Тој е еден од најопасните борци во лесна категорија. Ако сака да го нападне шампионскиот појас, треба да го победи Махачев.
Ислам славеше во последните три меча со прекини против Дру Добер (гушење со триаголник на раката), Тијаго Мојсес (гушење од позади) и неодамна против Дан Хукер (кимура).
Дагестанецот, кој сите го нарекуваат наследник на Хабиб, со најнова победата штотуку стигна на четвртото место на ранг-листата на УФЦ. Тоа ќе биде негов прв меч против борец од топ 5!
