Актуелниот шампион на УФЦ во лесна категорија Ислам Махачев не е задоволен од новите ММА ракавици произведени од организацијата. Ѕвездата од Дагестан верува дека овие ракавици се опасни. Тие беа воведени за да се подобри безбедноста на борците, но Махачев е загрижен дека новите ракавици всушност може да предизвикаат повеќе повреди.
Новите ракавици се дизајнирани да го намалат напрегањето на очите, но Махачев стравува дека поцврстите материјали всушност може да доведат до повеќе исеченици. Затоа, ефективноста на новите ракавици е отворена за дебата. Во интервју за Спорт24 Махачев ја изрази загриженостa.
„Новите ракавици се многу цврсти. Ќе предизвикаат повеќе исеченици бидејќи претходните ракавици на УФЦ беа помеки. Овие се поцврсти и не дозволуваат целосно да ја отворите раката за да се осигурате дека прстите не ви покажуваат право напред. Но, генерално тие се речиси исти. Ќе ги ставам покрај шампионскиот појас како први златни ракавици во УФЦ“, изјави Махачев.
Ислам викендов ќе ја брани титулата во лесна категорија против Дастин Пориер. Тие гопредводат настанот УФЦ 302 во Њу Џерси.
