Ислам Махачев го започнува тренинг кампот по „предавничкиот“ коментар на Хабиб за неговата следна борба
Шампионот во лесна категорија, Ислам Махачев, официјално ја заврши паузата и сигнализираше дека влегува во тренинг камп за очекуваното деби во полусредна категорија. Во нова објава на Инстаграм Русинот сподели фотографии и видеа од последните моменти од својот одмор, каде што јаваше коњи и се забавуваше со пријателите на ранч.
Под фотографијата, Махачев напиша: „Го завршив одморот со јавање. Време е за работа“. Според пресметките, ако го започне кампот оваа недела, ќе има речиси три месеци да се подготви пред очекуваниот судир со Џек Дела Мадалена.
View this post on Instagram
Интересно е што објавата дојде само неколку часа откако Хабиб Нурмагомедов „пушти“ информации за следната борба на Махачев пред фановите во Њујорк:
„Ова е неговиот договор со УФЦ, јас немам договор со УФЦ. Тоа е негов проблем. Но, имаме договор – тој ќе се бори во Медисон сквер гарден“.
Предизвикот со тежината
Иако доминираше во категоријата до 70 кг и секогаш лесно се здебелуваше (за разлика од Хабиб), преминувањето во велтер категорија (75 кг) се покажа изненадувачки тешко.
„Се обидувам да станам поголем, но не е лесно, човече“, призна Махачев за ММА џанки претходно оваа година.
„Цел живот губам тежина, а сега кога сакам да се здебелам, мојата тежина е заглавена. Кревам повеќе тегови, на програма сум, а се здебелив само околу 2 килограми. Не сакам да се здебелувам само со јадење – сакам да добијам мускули преку соодветен тренинг“.
