Соочувањето на главните актери на претстојниот настан УФЦ 294 помина со значително помала тензија отколку во случајот со Чимаев и Усман.
По завршувањето на денешната прес-конференција во Абу Даби, и бурните разговори меѓу Ислам Махачев и Александар Волкановски, за кои претходно ви пренесовме, на ред дојде соочувањето. Откако Хамзат Чимаев и Камару Усман изведоа интензивно „соочување“, повторно на ред дојде главната борба на вечерта.
Ислам и Волкановски беа нешто помалку „наострени“ од нивните претходници, а нивната конфронтација беше помалку тензична отколку во случајот со Чимаев и Усман. Тие се ракуваа, а потоа си разменија погледи за нешто повеќе од десет секунди, со стандардните закачки и значајните насмевки на нивните лица. На крајот тие повторно се ракуваа, а потоа ги кренаа лесните и пердувестите појаси, додека насобраната публика гласно го извикуваше името на Ислам.
Хасбула Магомедов му го донесе појасот на Махачев и со движење на раката преку вратот му покажа на Волкановски што мисли за тоа како ќе биде во сабота, а набргу потоа се прошета меѓу двајцата борци и – го „украде шоуто“. На неговата (деловна ладнокрвност) појава не остана имун ниту самиот Волкановски, кој целата ситуација ја виде со широка насмевка, исто како Дана Вајт. Да потсетиме, Хасбула е 21-годишна ѕвезда на социјалните мрежи (8,6 милиони следбеници на Инстаграм). Роден е во Махачкала, главниот град на руската република Дагестан и има одлични односи со тамошните борци, особено со Хабиб Нурмагомедов и Ислам Махачев – во чиј тим пристигна во Абу Даби на настанот УФЦ 294.
Како изгледаше сето тоа можете да видите во следното видео.
