Македонските репрезентативци во кик бокс денес отпауваа за Шпанија, во Сан Себастијан, каде што од 23 до 30 август ќе се одржи Европското јуниорско и кадетско првенство.
Македонија ќе ја претставуваат: Марија Божиноска (+70 кг- кик лајт), Бобан Илиоски (-71кг- лоу кик) и Хадис Рамадани (-67кг – лоу кик). Тоа се млади, а, сепак, искусни кикбоксери, кои на минатогодишното Светското првенство освоија два бронзени медали – Бобан Илиоски и Хадис Рамадани, додека Марија Божиноска беше пета.
„Оваа година од нив, со оглед на тоа што се искусни во своите дисциплини и се одлично подготвени, се очекува да го подобрат својот резултат“, истакнуваат од Кик боксинг федерацијата на Македонија.
Натпреварувачите ќе ги водат селекторот и тренерот на репрезентацијата, Дејан Митровски и Драган Атанасовски.
За Шпанија ќе патуваат и претседателот на КБФМ, Александра Неделковска, која ќе учествува на состаноците на Бордот на директори и на Женскиот комитет на ВАКО.
ipon.mk/В.Д.
