Илија Топурија нема намера да се бори со Александар Волкановски на УФЦ 305 во Австралија. „Ел Матадор“ наскоро ќе се сретне со УФЦ за да ги одреди понатамошните планови за неговата кариера.
Топурија е актуелен шампион на УФЦ во перолесна категорија. Тој го освои титулата против Александар Волкановски, кого го нокаутираше на февруарската гала вечер УФЦ 298. По борбата, Илија доби милиони нови фанови и влезе во сосема друго ниво на популарност. Оттогаш тој зборува за борба на стадионот на Реал Мадрид во Шпанија.
Сега се потврдени гласините за УФЦ 305, кој ќе се одржи во август во Австралија, од каде што е неговиот поранешен противник. Топурија истакна дека нема намера да му даде реванш на Австралиецот со македонско потекло во неговата земја и наскоро ќе се сретне со УФЦ во Мајами за да разговараат за понатамошните планови.
Шпанецот со грузиски корени искрено признава дека има многу опции и заедно планираат да ја изберат најдобрата.
„Сега сум најдобар во светот, зошто би ја бранел светската титула во куќата на противникот?“, изјави Топурија.
