Христијана Парулеска се закити со сребрен медал на Европското првенство во таеквондо на ИТФ во Пореч, Хрватска. Таа го освои среброто во борби во кадетска конкуренција 11-13 години во категоријата со 45 килограми.
Во првата борба беше слободна, а во четвртфиналето извојува победа над натпреварувачката од Шпанија, во полуфинале против Италијанка, додека во финалето загуби од Украинка.
Парулеска е првото девојче од Македонија кое се закитило со медал на Европско првенство на 12 години.
