Американскиот ММА борец Хорхе Масвидал во април, по поразот од Жилберт Барнс, реши да се пензионира.
Гејмбред загуби со едногласна одлука на УФЦ 287, а тоа беше негов четврти пораз по ред.
Неодамна Џастин Гејџи со брутален нокаут го победи Дастин Пориер, а на Масвидал му го одзеде БМФ појасот.
Пред неколку дена Хорхе откри дека би можел да се врати на борбите и го прозва Хајлајт.
„Гејџи треба да го брани БМФ појасот против мене. Ако одлучам да се вратам, тој меч треба веднаш да се договори. Сакам да се борам, тоа е дел од мојот живот“, нагласи Хорхе Масвидал и продолжи:
„Мислам дека Гејџи треба да остане активен и да продолжи да се бори. Секоја борба треба да ја прифати како вистински БМФ. Никогаш не сум одбил борба“.
