Херговиќ му фрла ракавица на Итаума: Тој сè уште не докажал ништо

Филип Хрговиќ е подготвен за следниот голем предизвик во тешка категорија и го прозва непоразениот британски талент Мозес Итаума. Хрватот направи импресивен камбек откако го победи Дејв Ален и се врати на пресметките за сериозни борби во дивизијата.

По победата Хрговиќ изјави дека нема проблем да се соочи со Итаума, кој се смета за една од најголемите надежи во светскиот бокс. Сепак, според него, младиот Британец сè уште не го достигнал нивото што многумина го предвидуваат за него.

„Мозес е добар борец, талентиран е, но сè уште не стигнал до Ветената земја. Луѓето многу зборуваат за него, но сè уште треба да покаже што може да направи против вистински противници“, рече Хрговиќ.

Hrgovic Packs Up Dave Allen…. Corner Threw In The Towel pic.twitter.com/JfanFNkaCD

— 2ToneDaSupastar (@2ToneDaSupastar) May 16, 2026

Хрватот верува дека неговото искуство на највисоко ниво ќе биде одлучувачки фактор во евентуална борба. Тој веќе го сподели рингот со елитни имиња во тешката категорија и верува дека таков тест би бил прерано за Итаума.

Во меѓувреме, Мозес Итаума продолжува со импресивната серија и многумина го гледаат како иден светски шампион. Потенцијалниот судир со Хрговиќ би бил најсериозниот тест во неговата кариера досега и би можел да се претвори во една од најинтересните борби во тешка категорија во наредните месеци.