Поранешниот шампион на УФЦ во бантам категорија и мува категорија и олимписки шампион во борење слободен стил, Хенри Сехудо, го изрази своето восхитување од легендарниот борач Абдулрашид Садулаев.
Според Американецот, Русинот има квалитети не само да освои трет златен олимписки медал, туку и да стане шампион во мешани боречки вештини.
„Да, Садулаев може да стане трикратен олимписки шампион. Тој е исклучителен. Кога го видов првпат, помислив дека ова е човекот што ќе стане најголем во историјата“, рече Сехудо.
Американецот го коментираше и поразот на Садулаев од Ахмед Тажудинов, нагласувајќи дека ваквите порази се дел од развојот на секој голем шампион.
„Кога сте олимписки шампион и имате таков начин на размислување, ако Садулаев беше трпелив и го направеше преминот во ММА, верувам дека и таму ќе станеше светски шампион“, додаде Сеџудо.
Абдулрашид Садулаев, познат како „Рускиот тенк“, е двократен олимписки шампион (Рио 2016 и Токио 2020) и шесткратен светски шампион во борење слободен стил. Тој нема да се натпреварува на Олимписките игри во 2024 година поради забраната за руски спортисти и неговото одбивање да се натпреварува како неутрален спортист.
