Хамзат Чимаев нема да се бори следниот месец на островот Јас во Абу Даби. Веста ја објави Дана Вајт, кој додаде дека Чимаев ќе го предводи настанот на организацијата во ноември или декември во Лас Вегас. Негов противник ќе биде врвен борец кој засега се чува во тајност. Не е познато дали битката ќе биде во полусредна или средна категорија.
„Борз“ се бори во обете категории и успеа да ги добие првите три борби во УФЦ. Тој е 9-0 во ММА и ги завршува сите ривали. Пред неколку дена, Чимаев се пожали дека ниту еден врвен борец не сака да се бори со него. Првичните планови беа тој да се бори против Демијан Маја следниот месец во Абу Даби, но тоа очигледно не е опција.
„Имаме датум и сега преговараме со другата страна. Тоа ќе биде главна борба во пет рунди. Ќе ги скршам сите, насекаде и во секое време. Дебитирав професионално пред 28 месеци и со секој изминат ден се подобрувам. Здравата работа прави разлика“, напиша непоразениот Чеченец на социјалните мрежи.
https://www.instagram.com/p/CFf6NrKlwJJ/
.
