Хамза Шираз го запре Едгар Берланга со прекин во петтата рунда

Непоразениот британски борец Хамза Шираз се искачи на врвот на листата на можни идни противници на Канело Алварез по неговиот нов убедлив настап.

Во главниот настан на боксерскиот спектакл на стадионот Луис Армстронг во Њујорк, Шираз направи она што Канело не можеше, со тоа што насилно го нокаутира Едгар Берланга двапати во четвртата рунда и го запре во втората секунда од петтата.

Шираз (22-0-1, 18 нокаути) го имаше своето деби во суперсредната категорија и целосно го надкласира Берланга, брилијантно одржувајќи ја дистанцаta и принудувајќи го противникот да се бори чисто, тоа беше брилијантна тактика.

Во четвртата рунда Хамза го нокаутира Едгар двапати. А кога го стори истото во петтата рунда, судијата Дејвид Филдс ја запре борбата и го спаси Берланга од поголема штета.

Брилијантниот Шираз веднаш се етаблираше како потенцијален предизвикувач за светската титула што моментално ја држи Канело.

Мексиканската мегаѕвезда се подготвува за голема пресметка со Теренс Крофорд. Апсолутниот шампион во суперсредна категорија ќе ги брани своите појаси на 13 септември на настан во Соединетите Американски Држави.

По борбата, Шираз нагласи дека му е чест што е споменат во истата реченица како и Алварез, а потоа изјави:

„Без разлика кој беше во рингот со мене денес, не можеа да ме сопрат. По последната борба, добив многу навреди на социјалните мрежи и разбирам, тоа е дел од боксот. Но, тоа само ме зајакна и ме направи уште погладен борец“.