Шампионот во лесна категорија Хабиб Нурмагомедов напорно тренира за уште една одбрана на титулата против Тони Фергусон во април на УФЦ 249 во Бруклин. Орелот е во татковината и не престанува да учествува во добротворни настани и покрај тешкиот тест пред него.
Нурмагомедов на својот профил изјави дека организирале фудбалски турнир за слепи лица од различни земји. Хабиб е импресиониран од вештините на слепите лица и рече дека и во иднина ќе продолжи да помага во развојот на спортот за слепите лица.
„Вчера и денес се одржа турнир во фудбал за слепите лица – „Касписка 2020“. Го организиравме во Каспијск и на него учествуваа спортисти од Молдавија, Москва, Московскиот регион, Мари Ел, Казахстан, Чеченска Република, како и локални екипи од Дагестан
Она што ме зачуди е како можат да играат слепите спортисти. Интуитивно и хармонично, како професионалци. Понекогаш ги гледав како се движат низ полето, како сите да го гледаат тоа. Во иднина, ќе се обидеме да развиваме ваков вид фудбал и да привлечеме поголемо внимание на слепите лица“, напиша Хабиб.
