Хабиб Нурмагомедов изјави дека не сакал да ги повреди противниците во кафезот.
Ѕвездата од Дагестан даде пример со борбата против Мајкл Џонсон. Двајцата се бореа во 2016 година во Њујорк. Хабиб доминираше со Џонсон и му велеше да се предаде за да не го повреди. Но Џонсон одби да се предаде. Нурмагомедов сепак го принуди да тапка по примената на кимура во третата рунда.
Хабиб се повлече од ММА во 2020 година откако го победи Џастин Гејџи во Абу Даби. Кариерата ја заврши како непоразен шампион на УФЦ во лесна категорија со скор од 29-0 во ММА. Веројатно е дека Нурмагомедов ќе продолжеше да се бори да не беше смртта на неговиот татко во летото истата година.
Хабиб сега патува низ светот и учествува на средби со луѓе. Тој неодамна учествуваше на уште една ваква средба и го кажа следново:
„Кога се борев со Мајкл Џонсон, сфатив дека не е на моето ниво и му дадов неколку совети. Кога го фатив за рака, навистина можев да му ја скршам раката. Но, не го сторив тоа и му реков дека мора да се предаде. И тој се предаде, тогаш беше готово. Сите беа безбедни.
Мојата цел во овој спорт не беше да повредам луѓе. Целта ми беше да станам шампион. Понекогаш морав да ги удрам противниците, немаше друг начин. Но, кога имам избор, тогаш зошто да ги повредам“? рече Хабиб.
