Хабиб: Борбите во октагонот се машка работа

Поранешниот шампион на УФЦ, Хабиб Нурмагомедов, изрази цврсто мислење за учеството на жените во боречките спортови, наведувајќи дека според него, борбата во октагонот е „машка работа“.

„Секој маж има мисија во животот. За мажот, тоа е одгледување деца, грижа за семејството и грижа за најблиските. Малку жени преземаат таква одговорност. Многу им е тешко. И не без причина. Бог го создал вака: жените се послаби, мажите се посилни“, рече Нурмагомедов во интервју за Чемпионшип раундс.

„Луѓето сакаат да се менуваат и да ги раздвижуваат работите денес. Не знам како се чувствувате во врска со ова, но ми се допаѓа кога мажот ја работи машката работа, а жената ја работи женската работа“.

Неговата изјава доаѓа во позадина на фактот дека женските борби се дел од УФЦ од 2013 година, а организацијата моментално има неколку женски категории и етаблирани шампионки.

Коментарите на Хабиб сигурно ќе предизвикаат мешани реакции во ММА заедницата, каде што улогата на жените во спортот продолжува да се развива и да се шири.