Гоце Јанески (-69 кг) во борбата со европскиот шампион Гурули Лаша од Грузија загуби на поени на Меѓународниот турнир „Странџа 2019“ во Софија – Бугарија.
Сепак, нашиот репрезентативец се претстави во добро издание и до крај се бореше и напаѓаше. Во првата рунда се најде во нокдаун поради едно невимание по напад, што искусниот Лаша го искористи тоа и со контраудар го затресе нашиот боксер. По ова Јанески цело време беше активен и напаѓаше,но немаше среќа некој од неговите силни удари да ја погодат целта.
Се гледаше дека Лаша е искусен боксер, но имаше и предност во подолгите раце и висината, па така го држеше Гоце на дистанца. Сепак, победата заслужено му припадна на европскиот шампион од 2018 година.
Добриот настап на Јанески само може да не храбри, бидејќи за него ова е големо искуство на големата боксерска сцена, но и прв настап по повредата на меѓународната сцена.
Вториот наш репрезентативец Јасин Лама (-60 кг) во првото коло е слободен, а во сабота (16 февруари) го чека победникот од мечот меѓу Сархан Алијев од Азербејџанан и Анкуш Дааија од Индија.
На јубилијениот 70 – ти турнир настапуваат 350 боксери во машка и женска конкуренција од 42 земји.
Борбата на Јанески е на -1:06:00.
Ipon.mk
