Камерунскиот борец Френсис Нгану го напушти УФЦ и моментално е слободен борец.
Поранешниот шампион на најголемата светска MMA организација веќе некое време кажува дека сака да се проба во боксот, а прв на листата на желби му е Тајсон Фјури.
Но, Кралот на Ромите моментално е преокупиран со преговори со Александар Усик за меч за апсолутниот боксерски шампион во тешка категорија.
Неодамна интерес за борба со Предаторот покажа и Дионтеј Вајлдер, кој му понуди два меча – во бокс и во ММА.
„Размислував и не би било проблем да договорам два натпревари. Прво би боксирале, а потоа би можеле да организираат броба во неговиот спорт. Прво ќе дојде кај мене, а потоа јас кај него. Јас сум вистински воин“, изјави неодамна Дионтеј Вајлдер.
Мајкл Бенсон ја пренесе веста на Твитер дека и Вајлдер сега е слободен, па се јави Нгану.
Welcome to the free world @BronzeBomber. I hope you are a man of your word. See you soon 💨💨💨 #NgannouWilder https://t.co/eYmDbRK2Ug
— Francis Ngannou (@francis_ngannou) February 17, 2023
„Добредојдовте во слободниот свет. Се надевам дека си човек од збор. Се гледаме наскоро“, рече Френсис Нгану и додаде:
„Реков дека ме интересира само боксот, само така можеш да си ги задржиш екстремитетите. Ќе видиме дали е човек од збор“.
I said only boxing so he can keep his limbs 🤣 like I said we will see if he’s a man of his word https://t.co/8CJT1FUXJ0
— Francis Ngannou (@francis_ngannou) February 17, 2023
