Френсис Нгану го нокаутира Филип Линс во враќањето во ММА
Фрeнсис Нгану се врати во ММА со татнеж откако го нокаутира Филип Линс во главната карта на МВП ММА 1 во Калифорнија.
Очекувањата пред борбата беа дека мечот ќе заврши брзо, токму тоа и се случи. Нгану ја покажа вообичаената експлозивност и го заврши противникот со нокаут за 4:31 од првата рунда.
„Предаторот“ започна агресивно со низок удар, а Линс се обиде да возврати, но брзо ја почувствува моќта на камерунскиот нокаутер и се префрли на граплирање.
Бразилецот неколку пати бараше соборувања и граплирање, обидувајќи се да избегне опасни размени во стоечка положба. Сепак, Нгану се бранеше самоуверено, контролирајќи ги позициите и казнувајќи го Линс со удари во телото и главата.
Во еден од последните моменти на борбата, Линс одлучи да нападне во стоечка положба, што се покажа како фатално. Нгану упати силен лев контраудар кој сериозно го потресе Бразилецот.
Нозете на Линс буквално попуштија, а неколку секунди подоцна Френсис го заврши нападот, принудувајќи го судијата да ја прекине борбата.
По победата, Нгану веднаш се насочи кон суперборба од соништата, изјавувајќи желба да се соочи со Џон Џонс, кој беше присутен во салата како аналитичар.
Резултати МВП ММА 1:
Ронда Рузи ја победи Џина Карано – со завршница, Р1 (0:17)
Мајк Пери го победи Нејт Дијаз – со технички нокаут, Р2 (5:00)
Френсис Нгану го победи Филип Линс – со КО, Р1. рунда (4:31)
Салахдин Парнас го победи Кенет Крос – со технички нокаут, Р1 (4:18)
Робелис Деспан го победи Жуниор дос Сантос – со КО, Р1 (2:59)
Прелиминарна карта:
Намо Фазил го победи Џејк Бабијан – со завршница, Р2 (0:58)
Адријано Мораеш го победи Фуми Нкута – со завршница, Р3 (4:59)
Џејсон Џексон го победи Џеферсон Крајтон – со КО, Р1 (0:22)
Дејвид Мгојан го победи Алберт Моралес – со одлука (29-28, 30-26, 30-27)
Алин Переира ја победи Џејд Мејсон-Вонг – со одлука (29-28, 29-28, 27-30)
Брендон Џенкинс го победи Крис Авила – со одлука (29-28, 29-28, 28-29)
View this post on Instagram
