Очигледно, натприродната сила на Камерун се занемарува.
Френсис Нгану за точно осум дена првпат во кариерата ќе влезе во боксерскиот ринг и ќе се соочи со непоразениот шампион во тешка категорија на ВБЦ, Тајсон Фјури.
Откако беше шампион во тешка категорија во УФЦ Нгану ја напушти организацијата и сега ќе заработи огромен хонорар. Сепак, ако зборуваме за спортскиот дел, никој во светот на боксот не му дава голема надеж на 37-годишникот дека ќе изгледа добро против можеби најталентираниот тешкаш на генерацијата.
Тоа го вклучува ривалскиот промотор Еди Херн, кој за Бокс сошл изјави дека Британецот може да ја заврши борбата како што сака.
„Што сака да прави и да биде. Ако се бори со кое било темпо, не чувствувам дека Френсис Нгану физички може да издржи повеќе од четири, пет рунди. Не мислам на тоа без почит кон него, тој не е навикнат на таков вид борба. Знам дека ММА исто така е спорт со висок интензитет, но верувајте ми ќе видите дека нема да може да се совпадне. Фјури може да игра со него и само да го држи. Ако Фјури сака, ќе го запре во првата рунда без проблем. Ако не, ќе го школува, ќе додаде гас и ќе го запре на нозе“.
Ѕвездата на ММА има вистинска колекција на нокаути од неговите денови во УФЦ, а некои веруваат дека неговата сила ќе биде закана на почетокот на борбата. Сепак, Херн не се согласува. Тој вели дека дури и чист удар до брадата на Фјури не би направил апсолутно ништо.
„Тој не може да добие рунда, не може да го повреди. Фјури може да му дозволи на Нгану да го удри чисто во брадата, а тој не би мрднал, да бидам искрен“.
Фјури и Нгану ќе се соочат во Ријад на 28 октомври. Доколку Британецот помине според очекувањата, ќе биде објавен официјалниот датум за толку очекуваниот судир со Александар Усик.
