Мечот меѓу Тајсон Фјури и Ентони Џошуа се уште е примамлив за многумина, и покрај тоа што Џипси кинг го одбрани ВБЦ појасот против Дионтеј Вајлдер, додека Еј Џеј ги загуби шампионските титули во ВБА, ВБО и ИБФ против Александр Усик.
Меѓу оние кои би сакале да го видат нивниот дуел е и копромоторот на Фјури, Френк Ворен.
„Фјури секогаш беше убеден дека може да го победи Џошуа, а дека е во одлична форма покажа и на средбата против Вајлдер. Тајсон е подобар боксер, има одлична брада, поголемо срце и удрира силно како Ентони. Погледнете како Вајлдер заврши во нокдаун – изјави Френк Ворен и прашува:
„Дали Џошуа може да го победи Вајлдер? Па со она што го покажа против Усик, мислам дека не може да го направи тоа. А, ако повторно се зборува за мечот меѓу Тајсон и Ентони, тогаш Фјури е тој што одлучува. Изборот нема да биде на него. Верувам дека тој меч ќе привлече големо внимание. И победникот е познат – Тајсон Фјури“.
