Шампионот на ВБЦ во тешка категорија Тајсон Фјури изјави дека допрва треба да се сретне со боксер од ист калибар како шампионот на ВБА, ИБФ и ВБО, Олександр Усик.
„Усик е најдобриот борец со кого ќе се борам. Тој е подобар од Кличко, Вајлдер, Вајт, Чисора и сите други. Тој е светски шампион во две тежински категории и воедно олимписки победник. Импресиониран сум од неговите достигнувања. Му ја симна главата на Ентони Џошуа, кој требаше да биде убиец, но не беше“, изјави Фјури во интервју за Бокс нејшн.
Фјури (34-0) и Усик (21-0) требаше да се сретнат во рингот на 17 февруари, но борбата беше одложена за 18 мај поради расекотина над десното око што ја доби Британецот за време на спаринг. Двајцата боксери се договорија за нов датум, со тоа што местото на борбата останува исто“, Кингдом арена во Ријад, Саудиска Арабија.
