Светскиот боксерски шампион Тајсон Фјури денес по трет пат го брани шампионскиот појас на ВБЦ во тешка категорија.
Непоразениот Британец ќе боксира против сонародникот Дерек Чисора на стадионот на Тотенхем и тоа ќе им биде трет дуел. Кралот на Ромите беше поуспешен на двата претходни меча.
Фјури се надева дека на почетокот на следната година ќе боксира против Украинецот Александр Усик во борбата за апсолутен светски шампион во тешка категорија.
Но, неодамна се појави вест дека Кралот на Ромите би можел повторно да боксира против Дионтеј Вајлдер. Досега се бореа три пати, во последните два меча Фјури ги доби, а нивниот прв меч заврши нерешено.
Имено, ВБЦ нареди елиминациски меч меѓу Енди Руиз и Дионтеј Вајлдер, во кој победникот би станал задолжителен предизвикувач на ВБЦ.
„Би сакал да видам како Руиз ќе го нокаутира Вајлдер, ми се гади веќе да го гледам. Ми треба уште еден противник за борба. Веќе одржавме три натпревари. А Вајлдер не е добар човек. Не ми се допаѓа, секогаш се оправдува. Загуби од подобар боксер, но тоа не може да го прифати. Секогаш мора да смисли милион причини зошто изгубил. Тој не е добар пример за спортист и се надевам дека Руиз ќе го нокаутира“, изјави Тајсон Фјури и додаде дека му дава предност на Бронзениот бомбардер во оваа борба:
„Веројатно Вајлдер ќе го удри со еден силен удар и ќе го остави во бессознание“.
Британскиот тешкаш изјави дека би сакал да го види Вајлдер на средби против Усик или Џошуа. Тој е само љубопитен како тие ќе се спротивстават на ударната моќ на Бронзениот бомбардер.
