Британскиот боксер Ентони Џошуа во сабота ги брани титулите на ВБА, ВБО, ИБФ и ИБО против задолжителниот предизвикувач Бугаринот Кубрат Пулев.
Светскиот шампион следната година се соочува со многу предизвици, а пред неколку дена рече дека верува оти прво ќе се бори со Александар Усик отколку со Тајсон Фјури.
„Се обложувам дека порано ќе се борам со Усик орколу со Фјури. Усик има договор со Мечрум. Таа борба може лесно да се организира. Кога Усик вели дека ќе се бори со некого, тој се бори“ – рече Ентони Џошуа и додаде:
„Ако Фјури е сериозен и сака да се бори, тогаш ќе имаме меч“.
И додека oshошуа се подготвува да ја одбрани титулата, Фјури одмара и се забавува со други работи.
„Кралот на Ромите“ требаше да боксира минатиот викенд, но ја откажа борбата откако тимот на Вајлдер се огласи и побара реванш за да се стави крај на трилогијата.
Но, Фјури не ги промаши последните зборови на Џошуа и мораше да се појави на социјалните мрежи.
„Дали некогаш ти се случи да не ме интересира да бидам суперѕвезда или славен? Јас сум борец и само сакам да те скршам. Ти задржи ја славата, а јас ќе останам вистински. Доаѓам за тебе, суперѕвездо. Тик-ток, тик-ток“, напиша Тајсон Фјури.
