Еди Херн, менаџерот на Ентони Џошуа, е многу сигурен дека наскоро ќе се одржи борба меѓу неговиот боксер и Тајсон Фјури – можеби во Англија.
Таборите на двајцата шампиони годинава се во интензивни преговори за две борби.
Според првичните планови, првата средба ќе биде во јуни, а локацијата зависи од состојбата со пандемијата.
Во моментов, коронавирусот во Велика Британија нагло се зголемува и земјата повторно е во блокада, а тоа може да ја одложи битката.
Постои и усмен договор за поделба на приходите од првиот меч 50-50.
И покрај сите тешкотии, Херн е уверен дека ќе има борба.
„Мислам дека работите се одвиваат совршено. Психолошките игри започнаа. AЏ тренира неуморно во Лондон, а мислам дека Тајсон е во Мајами.
Сè оди како што треба. Последните две недели секој ден се зборуваше за овој меч. Патуваме многу и гледаме каде можеме да се бориме. Ништо не е сменето. Мислам дека и Тајсон Фјури нема да се откаже од средбите.
Имаме нацрт-договор, но ништо не е потпишано. Но, сето ова е про-форма. Ние сме во завршна фаза и сè може да се прилагоди. Во моментов разјаснуваме каде можеме да го одржиме настанот. Постојат неколку земји кои се опција. Ги посетив сите во последните недели и мислам дека сме во добра позиција“, вели Херн.
