На 4 јуни се случи трагедија на ММА натпреварите во Белогорск.
16-годишен борец загина по тежок удар во глава. Инцидентот можеше да се избегне доколку главниот судија постапуваше одговорно во своите должности. Но, тој им дозволи на младите да влезат во кафезот без заштитни шлемови.
Тоа беше строго предвидено со правилата на турнирот. Сето тоа на крајот доведе до страшна трагедија која ја потресе спортската јавност. Еден од првите што реагираше на тоа што се случи беше претседателот на ММА сојузот на Русија, Федор Емелијаненко
„Последниот император“ направи истрага за овој трагичен случај:
„Трагедијата што се случи во Белогорск не остави никого рамнодушен. За жал, ниту еден спортист во ниту еден спорт не е имун на несреќа. Историјата на спортот знае огромен број на смртни случаи и тешки повреди кои настанале поради сплет на околности.
Ние како спортски функционери постојано ги заоструваме правилата за безбедност на секој спортист. Затоа ММА сојузот на Русија спроведе внатрешна истрага, чии резултати може да се најдат на официјалната веб-страница на сојузот.
На следната извештајно-изборна конференција, која ќе биде на 25 јуни, ќе разговараме за заострување на правилата за лиценцирање на судии, тренери, организатори на натпревари“, рече Федор.
Емелијаненко вети дека правилата ќе бидат сериозно заострени. Да се надеваме дека ова ќе функционира за да нема повеќе вакви трагедии.
