Репрезентацијата на Македонија завршните подготовки за Светското првенство во борење во Лас Вегас, САД, ги изведува во Радовиш, откако беше реализирана втората фаза во бугарскиот спорстки центар „Тетевен“.
Во Радовиш се Дејан Митров, Јасин Реџелари, Халил Зубаиров, Бобан Данов, како и Лабазан Аскербиев, кој ќе има право на настап за Македонија од 2016 година и ветеранот Трајан Ангелов (53 години) кој се подготвува за Светското првенство за ветерани во Атина.
Со репрезентацијата работат селекторот Лулзим Вренези и тренерите Николај Корнеев и Тони Танчев. Викендов ги посети претседателот на Федерацијата за боречки вештини на Македонија, Ванчо Чифлиганец.
Зубаиров има повреда на прстот, а Митров на коленото.
Нашиот претставник во грчко-римски стил, Тимур Хамикоев, се подготвува во Русија и од таму ќе патува за СП.
СП започнува на 12 септември и ќе трае до 17, а нашите репрезентативци ќе отпатуваат во две групи на 5 и 8 септември.
ipon.mk/В.Д.
