Голем број исеченици на лицето како и итна посета на болницата поради сомневање на потрес на мозокот, се последиците со кои се соочи бразилскиот ултимејт-фајтер, Габриел Гонзага, по синоќешната борба против Мирко Филиповиќ, која заврши со сигурна победа на популарниот Кро Кап.
Ударите на Хрватот биле брутални, пред сѐ тие со лактите, поради што челниците на УФЦ-федерацијата не сакале ништо да ризикуваат, па го пратиле неговиот противник на детални прегледи во една од локалните болници во полскиот град Краков, каде што се одржи мечот. Исечениците биле истретирани со десетина конци, додека резултатите од снимањето со компјутерска томографија сѐ уште се очекуваат, поради што на Гонзага му е препорачано мирување.
https://youtu.be/BwpE05Dmqb4
