Филип Хрговиќ доминираше и со убедлива судиска одлука го победи Дејвид Аделеј

Филип Хрговиќ ја забележа 19-тата професионална победа! Најдобриот хрватски тешкаш го одбрани интернационалниот појас на ВБО, победувајќи го со едногласна одлука (98-91, 99-90 x2) Дејвид Аделеј.

Откако загуби од Даниел Дубоа минатата година, Хрговиќ постигна две последователни победи над британски тешкаши и целосно ја врати самодовербата.

Ова беше втор пораз на Аделај во кариерата, оставајќи го со 14 победи.

Хрговиќ беше тој што го држеше противникот на нога во текот на целиот натпревар и ги контролираше настаните во рингот, додека Аделеј чекаше контранапад. Во втората рунда, Аделеј му нанесе расекотина на Хрговиќ над десното око, на истото место каде што Даниел Дубоа го повреди Хрговиќ пред една година кога загуби за прв пат во кариерата.

На крајот од рундата докторот го прегледа Хрговиќ за да види дали може да го продолжи мечот бидејќи обилно крвареше, а многумина се плашеа од сценарио слично на она против Дубоа, но беше оценето дека може да ја продолжи борбата. Хрговиќ доминираше, постојано удирајќи го противникот со комбинации во главата и како што одминуваше мечот, Аделеј имаше сè помалку сила.

Феноменална осма рунда

Клучната рунда беше осмата, во која Хрговиќ многу брзо го собори противникот. Аделеј стана, се опорави и потоа започна хаос. Го стресе Хрговиќ, чии нозе трепереа, но не падна. Го удри со околу 10 крошеа директно во лицето, но Хрговиќ има гранитна брада и не падна, 90 проценти од боксерите ќе завршеа на подот по таква комбинација.

Хрговиќ речиси заврши нокаутиран, но се врати и повторно го затресе Аделај на крајот од рундата, но Англичанецот преживеа и тоа беше најдобрата рунда во тешка категорија во боксот досега. До крајот на мечот, Хрговиќ ја врати контролата и мирно ја заврши борбата.

Фото: Leigh Dawney (Queensberry)