Британецот Ентони Јард се загреа за претстојниот реванш со Линдон Артур со експресна победа на гала вечерта организирана од Френк Ворен во Бирмингем, Велика Британија.
Поранешниот предизвикувач во полутешка категорија го совлада Колумбиецот Алекс Теран, нокаутирајќи го во првата рунда. Разликата во класи беше повеќе од очигледна, а 30-годишниот Јард немаше апсолутно никакви тешкотии.
Британецот двапати го собори противникот со лево кроше во телото. Првиот пат Теран стана пред да му избројат до 10, но за кратко време сцената се повтори и овој пат заврши се за Колумбиецот.
The Beast from the East with vicious body shots and he gets it done in one! 👊@mranthonyyarde back in business! 🦁#FightNightLive pic.twitter.com/5tSFoeKweQ
— Boxing on TNT Sports (@boxingontnt) August 28, 2021
Тоа беше прв меч на Јард од декември минатата година, кога загуби од Линдон Артур. Двајцата Британци ќе се соочат на 9 октомври.
