Поранешниот светски шампион Ентони Џошуа го победи Роберт Хелениус со нокаут во седмата рунда во главниот настан на боксерската гала во лондонската О2 арена.
Почетокот на мечот беше испитување на силите, а само некоја акција се случи во третата рунда кога Џошуа неколку пати го удри Хелениус.
Еј Џеј продолжи да ја намалува дистанцата и подобро да го погаѓа Финецот, кој се закануваше во контранапад.
Џошуа мечот го заврши во седмата рунда. Со одличен десен директ го нокаутира Хелениус.
Тоа беше 26-та победа во кариерата на Британецот и 23-та што дојде со нокаут.
Хелениус во овој меч влезе како замена за Дилиен Вајт кој отпадна поради допинг.
Финецот ја прифати борбата пред неколку дена, последен меч му беше минатата сабота кога со прекин во третата рунда го совлада сонародникот Мика Миелонен.
Во конасловната борба 39-годишниот Дерек Чисора по десет рунди со едногласна одлука на судиите го совлада две годишни постариот Американец Џералд Вашингтон.
Тоа беше 34-та победа во кариерата на Британецот во тешка категорија и прва по поразот минатиот декември во борбата за титулата во ВБЦ против шампионот Тајсон Фјури.
На истиот настан Филип Хрговиќ убедливо стигна до 16. победа во кариерата.
Најдобриот хрватски боксер со прекин во 12. рунда го победи Австралиецот Демси МекКин.
Со таа победа Ел Анимал го потврди статусот на задолжителен предизвикувач на ИБФ и ќе биде прв во линијата за мечот против подобриот од борбата Усик – Дубоа.
https://twitter.com/BleacherReport/status/1690497176823279616?ref_src=twsrc%5Etfw%7Ctwcamp%5Etweetembed%7Ctwterm%5E1690497176823279616%7Ctwgr%5Ef66fdf8edae3a687e5d89bc5272353cd49bb85e0%7Ctwcon%5Es1_&ref_url=https%3A%2F%2Fcdn.embedly.com%2Fwidgets%2Fmedia.html%3Ftype%3Dtext2Fhtmlkey%3Dcb7145f1731b4c328f8e4d2201854ceaschema%3Dtwitterurl%3Dhttps3A%2F%2Ftwitter.com%2FBleacherReport%2Fstatus%2F1690497176823279616image%3Dhttps3A%2F%2Fabs.twimg.com%2Ferrors%2Flogo46x38.png
https://twitter.com/dantheboxingman/status/1690495677678403584?ref_src=twsrc%5Etfw%7Ctwcamp%5Etweetembed%7Ctwterm%5E1690495677678403584%7Ctwgr%5E0452971ad6bcf58e8b22103e47d5350ba987030f%7Ctwcon%5Es1_&ref_url=https%3A%2F%2Fcdn.embedly.com%2Fwidgets%2Fmedia.html%3Ftype%3Dtext2Fhtmlkey%3Dcb7145f1731b4c328f8e4d2201854ceaschema%3Dtwitterurl%3Dhttps3A%2F%2Ftwitter.com%2Fdantheboxingman%2Fstatus%2F16904956776784035843Fref_src3Dtwsrc255Etfwimage%3Dhttps3A%2F%2Fabs.twimg.com%2Ferrors%2Flogo46x38.png
View this post on Instagram
