Ентони Џошуа се враќа во рингот во 2026 година, нема да се бори против Џејк Пол

Промотoрот Еди Хeрн потврди дека поранешниот светски шампион во тешка категорија Ентони Џошуа нема да се врати во рингот до 2026 година. Тој, исто така, жестоко ги негираше шпекулациите дека би можел да се бори против интернет ѕвездата и боксер Џејк Пол.

„Знаевме дека Џејк може да се бори во ноември, но не очекувавме дека тоа ќе биде Џервонта“, изјави Хeрн за „Фајт Хајп“ во врска со најавената борба меѓу Пол и шампионот во лесна категорија на ВБА, Џервонта „Тенк“ Дејвис. „Не сакам да зборувам во име на Џошуа, но се сомневам дека би се пријавил за борба со Џејк Пол пред да се бори со Тенк. Ќе го видиме како се враќа против друг противник на почетокот на 2026 година“.

Џошуа последен пат се бореше во септември 2024 година, кога претрпе тежок пораз со нокаут во петтата рунда од Даниел Дубоа. Овој пораз ја доведе во прашање неговата иднина, но според Херн, поранешниот шампион останува мотивиран да направи уште еден обид за голем камбек.