Ентони Џошуа оствари крајно тактичка победа над поранешниот шампион Енди Руиз во 12 рунди (118-110, 118-110, 119-109 со едногласна одлука) и си ги врати трите појаси на ИБФ, ВБА и ВБО, кои ги загуби на 1 јуни по сензационалниот нокаут тогаш постигнат од мексиканското изненадување.
„Прво морам да му се заблагодарам на Господ. Човек како мене нема изговори. Јас сум навикнат да нокаутирам, да победувам. По првиот меч бев сигурен и ветив дека ќе се вратам повторно и ќе покажам мајсторска класа. Сакав да покажам дека можеш удираш без да бидеш погоден. Многу го почитувам Енди како боксер“, изјави Џошуа по дуелот.
Шампионот вети дека ќе остане смирен откако си ги врати појасите.
„Се е прашање на подготовката. Ова е најважната работа во кариерата – да стекнам искуство. Научив лекција, секој може да го стори тоа. Штом се боревме двапати, можеме да го направиме тоа и трет пат”, рече Џошуа. во рингот.
