Емил Павлов го освои сребрениот медал на Светското карате првенство во Дубаи, откако во финалето загуби од олимпискиот првак Стивен Дакоста од Франција со 0-8.
Се беше решено во 1 и 20 секунди до крајот, кога Дакоста прво поведе со 0-2, а потоа со два ипона дојде 0-8 и до крај на борбата.
Сепак, ова е најголем успех на македонското карате и втор медал за Македонија на светските првенства. Првиот го освои Жарко Арсовски во 2010 година.
Емил е двократен европски првак (Тампере 2014 и Нови Сад 2018 година) и двапати го освојуваше бронзениот медал (Монпелје 2016 и Гвадалахара 2019). Павлов е освојувач и на бронзен медал од Европските игри 2015 во Баку, Азербејџан.
Резултати Светско првенство 2021 – Дубаи:
-67 кг
Емил Павлов – Матеј Хомола (Словачка) 4-3
Емил Павлов – Садридин Сајматов (Узбекистан) 3-0
Емил Павлов – Абдалах Хамат (Јордан) 3-1
Емил Павлов – Али Елксави (Египет) 4-1
Емил Павлов – Мартиал Тадиси (Унгарија) 3-3
Финале
Емил Павлов – Стивен Дакоста (Франција) 0-8
