„Ел Матадор“ е уверен дека ќе заседне на тронот на перо категорија.
Настанот УФЦ 298 во Анахајм (Калифорнија, Соединетите Американски Држави) на 18 февруари ќе биде главен со борбата меѓу Александар Волкановски и Илија Топурија за титулата во перо категорија. Тоа ќе биде враќање на популарниот „Волк“ во својата категорија по уште едно „патување“ во „лесната“ каде што по вторпат загуби од Ислам Махачев во меч за појасот. Австралискиот борец со македонско потекло неодамна изјави дека тренира со Бред Ридел, лесна категорија на УФЦ, кој е во серија од три порази, велејќи дека може да му направи повеќе проблеми од Топурија и инсистирајќи на тоа дека ќе остане крал во перо категорија. Одговорот на „Ел Матадор“ не мораше долго да чека.
„Ако мислите дека некој може да ме имитира, тоа значи дека вашата последна борба остави трајни последици. Ќе ве нокаутирам во првата рунда. Стар си, време е да се пензионираш. Време е да продолжиш понатаму и да направиш простор за нова ера, онаа на Топурија“, напиша на X (поранешен Твитер) непоразениот грузиски борец со шпански пасош.
If you think someone can imitate me, that means that your last fight has left you with lasting effects! I will knock you out in the first round. You're old, it's time to retire. It is time to move on and make way for the new era of Topuria.
— Ilia Topuria (@Topuriailia) January 6, 2024
Топурија, значи, е убеден дека од Волкановски ќе го преземе тронот во перо категорија, а тоа го поткрепува и фактот што веќе го промени својот професионален скор на 15-0 на социјалните мрежи. Дали таа оценка ќе одговара на реалноста или малку е избрзана ќе дознаеме следниот месец.
