ЕКСКЛУЗИВНО – Петар Спасеновски: Најтешко ми беше во последните секунди на финалето! Ќе ме гледате на Олимписките игри 2024 во Париз!

Денешниот ден дефинитивно ќе биде запишан со златни букви во историјата на македонското карате, затоа што двјацата финалисти, прво Доан Османи (-75 кг), а потоа и Петар Спасеновски (-84 кг), само за неколку часа, ги освоија златните медали на Европското првенство во карате за кадети, јуниори и јуниори до 21 година. Петар Спасеновски го освои вториот медал на европските шампионати, откако во Лимасол – Кипар, во 2016 година го освои бронзениот медал во јуниорска конкуренција до 76 килограми, но сега многу посјајниот – златниот и тоа во посилна конкуренција.

Петар Спасеновски во финалето го победи Ади Гјурик од Словачка 1-1, со прв освоен поен. До борбата за златниот медал беше подобар од Јоел ван Моеркерк (Холандија) 1-0, Фредерико Салас (Норвешка) 3-0, Хамза Цајиќ (Босна и Херцеговина) 0-0 и Грег Андресон (Шкотска) 3-0.

За наредните предизвици и сништа во првото интервју по освојувањето на шампионската титула…

Лесен ли беше патот до златниот медал, односно кога ти беше најтешко?

-Патот воопшто не беше лесен до златниот медал, секоја борба си имаше своја тежина. Најтешко ми беше во последните секунди од финалната борба.

Ова ти е втор медал на европските првенства, но сега во највозрасната конкуренција. Што значи ова за твојата кариера?

-За мојата кариера ова значи само еден стимул за да продолжам со напрона работа заедно со мојот Карате клуб Макпетрол и да продолжам со освојување на медали во сениорска конкуренција.

Ќе го гледаме ли Петар на Олимписките игри во Париз 2024 година?

– Дефинитивно ќе ме гледате на Олимпиксите игри 2024 година во Париз.

Резултати
У-21
-84 кг
Петар Спасеновски – Јоел ван Моеркерк (Холандија) 1-0
Петар Спасеновски – Фредерико Салас (Норвешка) 3-0
Петар Спасеновски – Хамза Цајиќ (Босна и Херцеговина) 0-0
Петар Спасеновски – Грег Андресон (Шкотска) 3-0
Финале
Петар Спасеновски – Ади Гјурик (Словачка) 1-1

Ipon.mk

ПОВРЗАНИ ВЕСТИ

ПОПУЛАРНО