Пливачот Евгениј Поп Ацев е Најдобар спортист на Македонија за 2015 година во изборот на Агенцијата за млади и спорт. Тој го освои првото место во Светскиот Куп во маратонското пливање, а го исполни и сонот еден Македонец да стане победник на Охридскиот пливачки маратон. За најдобра спортистка на Македонија е избрана кикбоксерката Стефани Тодорова, која на Светското првенство во Белград го освои бронзениот медал
Боречките спортови освоија признанија најдобар женски национален тим, ката тимот на Македонија (Маријана и Мишела Димоски Киријана Камческа) на Светското првенство за кадети, јуниори и јуниори 21 го освоија сребрениот медал.
За најдобра млада спортистка – Вероника Костовска, која на Европското карате првенство во Цирих, Швајцарија, ја освои шампионската титула во кадетска конкуренција.
„Многу убави мигови имав на спортски план минатата година. Но, овој миг е навистина најубав, да се биде најдобар спортист на Македонија. Сакам да изразам благодарност до Агенцијата за млади и спорт за номинацијата и за наградата. Благодарност и за сите кои ми даваа поддршка, ми помагаа да ги исполнам моите цели. Следната година ќе се обидам да се изборам и за олимписка норма, во дисциплината 10 километри, па се надевам дека ќе бидам дел од Олимписките Игри во Рио де Жанеиро, под знамето на Македонија“, изјави Евгениј Поп Ацев, кој наградата ја доби од директорот на АМС, Марјан Спасевски.
НАЈДОБАР СПОРТИСТ ЗА 2015
Евгениј Поп Ацев (пливање)
НАЈУСПЕШЕН СПОРТИСТ ВО СТРАНСТВО
Кире Лазаров (ракомет)
НАЈДОБРА СПОРТИСТКА ЗА 2015
Стефани Тодорова (кик бокс)
НАЈУСПЕШНА СПОРТСКА ФЕДЕРАЦИЈА
Ракометна федерација на Македонија
НАЈДОБАР ТРЕНЕР
Жарко Ристоски (одбојка)
НАЈДОБАР МАШКИ НАЦИОНАЛЕН ТИМ
Ракометна репрезентација
НАЈДОБАР ЖЕНСКИ НАЦИОНАЛЕН ТИМ
Карате – тим
НАЈУСПЕШЕН СПОРТИСТ СО ИНВАЛИДИТЕТ
Андреј Стојановски (пливање)
НАЈДОБАР МЛАД СПОРТИСТ
Филип Талевски (ракомет)
НАЈДОБАР МЛАДА СПОРТИСТКА
Вероника Костовска (карате)
Ipon.mk/В.Д.
