Промоторот на Мечрум бокс, Еди Херн, не верува дека Тајсон Фјури ќе се соочи со Австралиецот Демси МекКин (22-0, 14 КО). Вчера имаше информации дека тие двајца би можеле да се сретнат во август.
„Сето тоа е целосна глупост“, сигурен е Херн. „Тајсон нема да се бори во Австралија. Само сака да биде во центарот на вниманието за сите да зборуваат за него. Но, нема да се бори во Австралија“, продолжи тој во интервју за ИФЛ ТВ.
Херн го објасни својот став: „Не гледам Фјури да води никаква борба освен Александар Усик во декември бидејќи парите што сака да ги добие само ќе бидат таму. Се разбира, ќе видиме, но не очекувам Фјури наскоро да боксира во Австралија. Иако МекКин е подготвен за таква можност бидејќи копнее за голема борба. Блиску сме да го натераме МекКин да се бори со Филип Херговиќ, но во исто време тој е очаен за голема борба и не би се двоуми да се бори со Фјури“.
