Еди Херн беше импресиониран од сензационалната победа на Американецот Реј Форд, кој со технички нокаут го победи узбекистанскиот борец Отабек Хоматов во последната рунда од боксерската приредба во Верона (Њујорк) и ја освои титулата шампион на ВБА во перо категорија.
Борбата понуди неочекувана драма во која Форд, наречен Севиџ, го победи својот противник со прекин на седум секунди пред крајот и на тој начин постигна голем пресврт. Имено, до тој момент заостануваше на два судиски картони.
„Каква борба, каква ноќ, толку сум горд на него“, изјави Еди Херн по мечот и продолжи:
„Заостануваше на две судиски карти и во последната рунди требаше да направи нешто големо, беше многу блиску. Но го направи најдоброто што можеше, стигна до прекин и ја освои светската титула. Америка има нова ѕвезда. Иднината е светла за него. Тоа е само почеток“.
За непоразениот Форд тоа беше 15-та победа (8 нокаути) во кариерата, а има и едно реми.
View this post on Instagram
