Поранешниот светски шампион Ентони Џошуа се враќа во рингот во сабота во лондонската О2 арена по двата порази во низа.
Британскиот боксер се надева дека на мечот против Џермејн Френклин треба да си ја врати самодовербата која е важна за да ја продолжи кариерата.
Џошуа се надева дека е подготвен повторно да го нападне врвот и да се бори со најголемите борци во тешка категорија.
И додека преговорите за борбата за обединување на титулата меѓу Тајсон Фјури и Александар Усик неодамна пропаднаа, приказната за можен судир меѓу Кралот на Ромите и Џошуа повторно се појави.
Промоторот Еди Херн истакна дека Еј Џеј е подготвен за тој меч, а неговиот колега Френк Ворен пред неколку дена изјави дека мечот меѓу Тајсон и Ентони е поголем од оној што сакале да го договорат со Усика.
„Веќе разговаравме за можен меч меѓу Фјури и Џошуа во декември. Потоа се договоривме дека добивката ќе биде поделена 60-40 во корист на Фјури. Верувам дека лесно ќе ја договориме таа борба, која во Велика Британија би била многу поинтересна од мечот против Усик“, изјави Еди Херн и некако се договори со Ворен.
Но, Џошуа се сомнева во искреноста на Фјури и се грижи за колкав процент од заработката би побарал Кралот на Ромите.
„Не сум сигурен дека оваа поделба на крајот ќе биде 60-40. Ако на Усик му нудел 30 проценти од хонорарот, не можам ни да замислам каква понуда ќе добијам. А требаше да боксираат за да ги обединат титулите. Но, ќе видиме дали воопшто ќе се случи тој меч, јас ја сакам таа борба со цело срце“, изјави Ентони Џошуа.
