Поранешниот шампион на ВБЦ во тешка категорија Дионтеј Вајлдер вели дека Ентони Џошуа одбил понуда од 50 милиони долари да се бори со него.
Вајлдер и Џошуа ќе ги одмерат силите во одвоени борби на боксерскиот спектакл што ќе се одржи на 23 декември во Саудиска Арабија. Бронзениот бомбардер ќе се бори со Џозеф Паркер, а противник на Еј Џеј ќе биде Ото Валин.
На истиот настан најдобриот хрватски боксер Филип Хрговиќ ќе се бори против Австралиецот Марко де Мори. Доколку победат на тој меч, Филип треба да добие шанса да се бори за титулата шампион на ИБФ организацијата.
Имено, на 17 февруари следната година Тајсон Фјури и Александар Усик ќе се борат за обединување на титулата светски првак во тешка категорија, но бидејќи во договорот има клаузула за реванш и доколку истата биде активирана, ИБФ објави дека појасот ќе биде земен од победникот.
Како задолжителен предизвикувач на ИБФ, Хрговиќ би добил место во таа борба, а противникот веројатно би требало да биде подобриот од борбата Ото Валин-Ентони Џошуа. Станува збор за борба меѓу вториот и третиот боксер на рејтингот на ИБФ во тешка категорија.
А дека Џошуа има амбиции преку Валин да се бори за појасот на ИБФ, потврди и неодамнешната изјава на Вајлдер во која Американецот тврди дека Еј Џеј одбил висока парична понуда за мечот.
„Побара 50 милиони долари за да се бори со мене. Кога ги најдовме парите, тогаш рече дека сепак не сака да се бори“, изјави Деонтеј Вајлдер и додаде:
„Всушност, неговите менаџери не му дозволуваат да се бори со мене затоа што им носи пари. Многупати сакаше да ја прифати таа борба, но менаџерите постојано одбиваа. Оти ако падне, тогаш ќе пропадне и нивниот бизнис“.
