Александар Волкановски можеби има пораз од Ислам Махачев, но има многу кои веруваат дека тој повеќе ја заслужил победата.
Еден од нив е Џо Роган, кој даде свое мислење за изминатиот UFC 284 во кој се сретнаа двете ММА суперѕвезди.
„Тој е број 1 во „паунд фор паунд““, рече Роган на неговиот подкаст.
„Мислам дека ја доби борбата. Според мене, тој ја доби битката. Направи поголема штета“, рече Роган за Волкановски и додаде:
„Мислам дека ги наметна своите вештини. Исто така, лудо импресивно е тоа што тој се искачува од лесна категорија за да се бори со огромен борец во полусредна категорија. Сепак, впечатливо е како Волкановски ја наметнува својата волја во многу битки“.
