Договорена е уште една голема борба во крузер категоријата.
К2 Промоцијата испрати понуда која не можеше да ја одбие ВБО шампионот Кристоф Гловацки (26-0, 16 КО) и постигнат е договор за меч со задолжителниот предизвикувач Олександар Усик (9-0, 9 КО).
Светската боксерска организација го закажа поднесување на понудите за утрово во Њујорк, но двете страни не успеаја да постигнат договор за борбата да се одржи во средината на септември во Полска.
„Од наша страна направивме се што е можно. Со неговиот промотор Анджеј Василевски постигнавме фер компромис. Резултатот на нашите преговори е заеднички да го промовираме настанот“, рече Александар Красјук од К2 Промоцијатана браќата Кличко која ја води кариерата на Усик.
Предложените датуми за одржување на борбата се 10 или 17 септември, а точниот датум ќе биде потврден во јули.
На Гловацки (29 г.) тоа ќе му биде втора одбрана на титулата која ја освои против Марко Хук. Во април, со едногласна одлука го победи Стив Канингем, враќајќи се по повредата.
Усик (29 г.) го освои златото за Украина во тешка категорија на Олимписките игри во Лондон. А професионалец е од септември 2013 година.
