Шампионот на ВБА во полутешка категорија, Димитри Бивол, следната година сака да се бори со шампионот на ВБЦ и ИБФ, Артур Бетербиев.
На 11 декември во Русија, Бивол доминираше со Умар Саламов во 12 рунди и забележа победа со судиска одлука.
Бетербиев на 17 декември ќе ги брани титулите против Маркус Браун.
Ако победи Бетербиев, следната година ќе бара и голема борба.
Според Бивол ова е добра можност двајцата да се соочат напролет.
„Сакам да се борам со Бетербиев. Овој меч може да се случи напролет. Подготвен сум за големи предизвици и сакам да се борам со шампиони и да освојувам титули.
Сакам да му посакам среќа на Артур во мечот со Браун, а потоа ќе видиме што ќе се случи“.
И двајцата боксери беа неактивни во последните неколку години.
Бивол (19-0) го победи Ленин Кастиљо во октомври 2019 година, но се бореше до мај оваа година, кога го победи Крег Ричардс.
Бетербиев (16-0) се бореше и во октомври 2019 година, кога го совлада Александар Гвоздик, но потоа влезе во рингот дури во март годинава, кога го запре Адам Дајнс.
