Дионтеј Вајлдер сака борба и против новиот привремен шампион во тешка категорија

Американскиот нокаутер Дионтеј Вајлдер би можел да се бори за светската титула во тешка категорија во 2026 година.

Поранешниот шампион на ВБЦ владееше во тешката категорија многу години, но неговата кариера тргна надолу по поразот во февруари 2022 година од Тајсон Фјури.

Бронзениот бомбардер во реваншот повторно загуби од „Џипси Кинг“, потоа го нокаутира Роберт Хелениус, а потоа следеа два порази против Џозеф Паркер и Жилеј Жанг.

Во јуни, по едногодишна пауза, се врати со победа, победувајќи го со прекин во седмата рунда сонародникот Тајрел Херндон.

Во последните недели, имаше гласни шепотења дека Вајлдер (44-4-1, 43 КО) би можел да добие шанса против шампионот Александар Усик (24-0, 15 КО).

Поранешниот двократен апсолутен шампион во тешка категорија, непоразениот Украинец, исто така изрази интерес да се бори против „Бронзениот бомбардер“.

Вајлдер неодамна призна дека би сакал да се бори со Мурат Гасиев, кој пред околу десет дена со нокаут во шестата рунда го победи Кубрат Пулев и го освои привремениот шампионски појас на ВБА.

„Честитки до Гасиев. Мислам дека би била неверојатна борба“, рече Дионтеј Вајлдер и го пофали настапот на Мурат против силниот Бугарин:

„Беше прекрасно лево кроше. Многу лукав“.

Гасиев (33-2, 26 КО, 1 НЦ) е поранешен шампион во крузер категорија кој има осум борби во тешка категорија, од кои едена пораз во 2023 година од Ото Валин.