Дионтеј Вајлдер порача дека догворил голема борба за јануари 2026 година

Поранешниот шампион во тешка категорија на ВБЦ Дионтеј Вајлдер размислуваше за пензионирање по два последователни порази од Џозеф Паркер и Жилеј Жанг, но се врати на рингот во јуни победувајќи го Тајрел Херндон.

Бронзениот бомбардер не е во форма во последните пет и пол години, губејќи од Тајсон Фјури за прв пат во февруари 2020 година. Тој ја загуби и нивната трета борба во октомври следната година.

Првата борба меѓу Вајлдер и Фјури се одржа во декември 2018 година, а таа средба заврши нерешено, што му овозможи на Бронзениот бомбардер да ја задржи светската титула.

Иако се зборуваше дека Вајлдер наскоро ќе се врати на рингот, американскиот нокаутер во неодамнешно интервју откри дека тоа нема да се случи до јануари 2026 година.

„Имам нешто испланирано. Размислувам да се вратам во јануари. Веќе потпишав договор, тоа е голема борба. Не можам да кажам ништо повеќе во овој момент, но дефинитивно ќе се случи. Следната година ќе биде нешто посебно за мене, со нетрпение го очекувам… Ајде“! рече Деонтеј Вајлдер.

Украинецот Александар Усик моментално ги држи сите четири светски шампионски појаси во тешка категорија и е мета на многу борци.

Несомнено е дека Вајлдер припаѓа на оваа група, но за да добие уште една шанса да се бори за титулата, тој мора да победи борец од врвот на дивизијата.

Во некои комбинации, Бугаринот Кубрат Пулев, кој го држи привремениот шампионски појас на ВБА, се споменува како потенцијален противник на Вајлдер.

Менаџерот Шели Финкел нагласува дека Бронзениот бомбардер по следната борба ќе се обиде да се бори против Ентони Џошуа.