Дилиен Вајт повторно е интересно име по победата во ноември над Џермејн Френклин.
Иако Вајт е фаворит да се бори со Ентони Џошуа во реваншот во 2023 година, тој е заинтересиран и да се бори со поранешен шампион во тешка категорија од сосема поинаков спорт.
Во интервју за Скај спорт 35-годишниот Вајт (29-3, 19 КО) повика на бокс меч со поранешниот носител на титулата во УФЦ, Френсис Нгану.
„Би сакал да се борам со него“, рече Вајт. „Очигледно е дека тој е шампион, опасно момче, но мислам дека би го скршил. Тоа би било многу интересна борба бидејќи и двајцата имаме искуство во боречките вештини и тој е подготвен да скокне во голема завршница борејќи се со некој како мене. Ќе генерира голем интерес и многу луѓе ќе не гледаат“.
Камерунско-францускиот борец Нгану (17-3, 12 КО ММА) повеќе не е врзан за УФЦ и може да ја одведе својата кариера во која било насока што ќе ја избере.
Нгану одамна сакаше да учествува во боксерски меч.
36-годишниот борец исто така беше на списокот на противници на Тајсон Фјури откако во април шампионот на ВБЦ во тешка категорија го нокаутира Вајт.
„Навивачите ширум светот би сакале да го видат, бидејќи е поранешен шампион на УФЦ кој доаѓа да се соочи со врвен боксер во тешка категорија како мене. Овие момци знаат дека може да се заработат повеќе пари во боксот отколку во ММА“, рече Вајт.
„Би било добро да станам шампион во два спорта – нешто што сакав да го правам и јас – па разбирам зошто има огромна желба да направи такво нешто“.
Вајт не е непознат во ММА. Во 2008 година тој се бореше во единствената ММА борба во кариерата и забележа нокаут за 12 секунди против Марк Страуд во Лондон.
„Многу од овие боксери ги избираат овие ММА момци и ги тепаат во рингот, но тие не се доволно храбри да влезат во кафезот. Би сакал да се борам со него и во бокс, како и во кафезот“, изјави Вајт.
„Многу е полесно да ги нокаутирате луѓето со ракавици од четири унца кои немаат речиси никакво полнење. Може ли да го направам истото со боксерска ракавица од 10 унци? Знам дека можам“.
Вајт рече дека ќе биде отворен за евентуален меч кон крајот на март и почетокот на април.
„Тоа ќе му даде многу време за целосен подготвителен камп“, рече Вајт. „Тоа ќе биде фер борба. Ќе има време да тренира. Ќе имам време да тренирам и ќе имаме многу добар боксерски меч.
Верувам во себе, знам за што сум способен.
Очигледно е добар борец, силен е, но има многу дупки во неговата борба. Удира од далеку, напаѓач е. Во ММА овој стил функционира затоа што има мали ракавици и само треба да го удриш противникот за да го победиш.
Но, во боксот е поинаку. Потребна ви е вештина и добар тајминг. Не може само да излезе таму и да почне да фрла удари и да мисли дека може да ги нокаутира луѓето.
Личноста што стои пред него може лесно да ја промаши. Тој е опасен и голем силен човек, но тоа е голема борба за мене да бидам искрен“.
