Дилиен Вајт се враќа во рингот на 7 јуни

Познатиот британски тешкаш Дилиен Вајт ќе се врати на рингот на 7 јуни во Ипсвич (Англија), каде што ќе се соочи со борба од 10 рунди против засега ненајавен противник. Веста ја објави порталот „Боксинг сцена“, споменувајќи можен меч против Хјуи Фјури, брат на поранешниот светски шампион во тешка категорија Тајсон Фјури.

Враќањето на Вајт првично беше закажано за 5 април во Лондон, кога требаше да се соочи со својот сонародник Џо Џојс. Сепак, мечот беше откажан поради повреда што Дилиен ја доби за време на тренинг кампот.

Последниот настап на Вајт на рингот беше во декември 2024 година кога постигна убедлива победа со технички нокаут во седмата рунда над ганскиот боксер Ебенезер Тете.

Се очекува наскоро да биде потврден неговиот официјален противник за јунската борба, што ќе означи уште еден чекор за Вајт во неговите обиди да се врати во елитата на светскиот бокс.